|
| MERRY CHRISTMAS TO ALL OF U!! 大家聖誕節有冇出去玩呀?我就不幸喇,考完試就被屋企人既強勁細菌攻擊,搞到病左,喉嚨痛...惟有o係屋企休養下啦~哈哈... 前晚同dickson補祝生日,好開心呀~~唔知dickson滿唔滿意呢?今次多得世豪同無比滴既悉心安排咋...我地好醒呀~竟然揀中你鍾意既芒果蛋糕,係咪好勁呢??最衰時間倉卒,如果唔係會安排得好d~~希望下年我地都可以gather同dickson你慶祝生日~^^~唔知你有咩生日願望呢?A_A祝你願望成真~嘻 你地既手呀 
仲有o係又一城影既相,今年棵聖誕樹雖然冇咁靚,但係o係x'mas tree前面影相特別開心~~真係好開心!哈哈 
| | |
| 知道左ocamp groupmate阿蔡的眼睛有事,好驚訝,真係唔敢相信...希望佢可以堅強去面對問題,快d好返啦~加油呀! | | |
| 11月5,6,7號 : 呢三日同dickson & Wilson走去做helper幫一個叫Noel既男仔考牌.一放學就去觀塘某工業大廈做野~~考Building Surveyor有d野比我想像中容易,presentation board原來係照dup咁濟,仲可以搵成班professional智囊團幫手tim!不過咁多人幫都未必一定好,人地幫你做晒,但自己explain唔到都冇用.我地呢三日去到只係做d簡單既野,三個人之中,似乎我最hea,幫手剪剪貼貼,打下野&計下數hehe...唔使我畫CAD~~比晒dickson畫(Wilson都有畫)!雖然講到我地冇乜野做,但係唔知y要咁夜先走,第一日2點,第二日3點,最尾果日4點添!眼訓到我呀~~Noel既智囊團好落力幫手,佢地好似仲緊張過Noel咁,例如kenneth同阿pan,真係幾appreciate佢地,見到佢地認真做野個樣,真係好正,心諗若干年後我會唔會好似佢地咁呢?哈哈...
其實我覺得大部分女仔都會十分欣賞認真做事既男仔,at least對我黎講,認真做事既男仔有一種特別既attaction,呢樣野係撇除外表黎感受既,好似好抽象,哈哈,不過我自己都有過親身既感受.所以我認為呢,有時候如果男孩子想得到心儀女孩既好感,其實做好自己遠比做再多既門面追女仔功夫實際.
今次都係一個特別既experience,學到既野雖然唔係好多,但可以感受&參與一下考牌果種氣氛&工作都幾有趣,可惜Noel最後未能成功pass...唔緊要la~~下年再努力. 
| | |
| 
岩岩食完既lunch...我自己親手煎既mini pancake~~哈,係咪好靚先? 仲好好味架!YUMMY YUMMY^^ 食飽飽要同CAD圖死過!!   | | |
| 今日重陽,今次我好乖乖咁起身呀,清明掛住訓覺冇去拜爺爺,真係唔應該~~所以今日點都要起身...今次難得老豆竟然去唔到,只有mother負責,我地乜都唔識,完全幫唔到手,叫我點香我都驚死,細個比香"辣"過,知道好痛,所以熬到死!但我係最大果個,點都幫手做d野~企係果度最唔好受就係對眼,係咁被d煙焗住,流晒眼水~~點香實在太唔環保,d香點左一陣就會比人收左去,咁仲有咩意思呢?
今日我同爺爺講左好多野,講下老豆la,講下自己la,又講下細妹wor...望住佢張相,我真係好掛住佢,好耐冇呢種感覺喇,我都唔記得佢離開左幾耐,佢去果時我冇喊過,唔係唔傷心,而係完全意識唔到發生咩事...
印象中爺爺好錫我,好好人,佢一d都唔似係老人家,佢好整潔,好靚仔,成日都著住套西裝,真係好gentleman~~我真係好掛住佢,如果佢未死,而家會係點既呢?如果爺爺而家先離開既話,我一定會喊死!希望爺爺而家o係另一個國度生活得開心啦!MISS U  | | |
|
